याद

अस्ताएछ कि यो दिलको जुन
सकिन देख्न चिहाइ हेर्दा
ढुक्ढुकी सरी थियौ नि हिजो
नजिक छैनौ नियाली हेर्दा


कस्तो यो चोट कस्तो यो दुखाई
झन धेरै दुख्छ ओखती लाए
निस्तो यो शरीर धन्य हुनेथ्यो
सुस्तरी उनको ओठले गाए
अस्ताएछ कि यो दिलको जुन .........

कसरी देखाउ ,कस्तो छ हाल
दुखाउने खुशी दिएर गयौ
सकिन जिउन, उघारी खुशी
हाँसोको थैलो सिएर गयौ
अस्ताएछ कि यो दिलको जुन
सकिन देख्न चिहाइ हेर्दा
ढुक्ढुकी सरी थियौ नि हिजो
नजिक छैनौ नियाली हेर्दा
अस्तएछ कि यो दिलको जुन.........

"एउटा जीवन"

तिमीले दिएका घाऊ गन्न कहाँ सकिन्छ र
तस्विर सँग बेदना भन्न कहाँ सकिन्छ र

सिरानी तिम्रो काख,सोचाइ मात्र भए पछी
तिम्रो मन को कुरा जान्न कहाँ सकिन्छ र
तस्विर सँग बेदना भन्न कहाँ सकिन्छ र

आए थे तिम्रो सामु , नहेरी टाढा गए पछी
तिमीलाई आफ्नो भनी ठान्न कहाँ सकिन्छ र
तस्विर सँग बेदना भन्न कहाँ सकिन्छ र

एकान्त खोज्ने भएँ,आँसु मात्रा बाँकी रहे पछी
नसाबाट जीवन बाहिर तान्न कहाँ सकिन्छ र
तिमीले दिएका घाऊ गन्न कहाँ सकिन्छ र
तस्विर सँग बेदना भन्न कहाँ सकिन्छ र